WATER new 13 - Cultural Imperialism - Autobiographical story on web-comics

WATER new 12 - Global maths versus universal maths - life and memory by Ajith rohan JTF

Post Colonial Education system, and needs of 21 century in Sri Lanka - Ajith Rohan JTF

1948 න් පසු නිදහස් අධ්‍යාපනය සහ 21 වන සියවසේ අවශ්‍යතා (සටහන් 01)

ප්‍රධාන ප්‍රශ්න: 21 සියවසේ අධ්‍යාපන අවශ්‍යතා: ළමා, තරුණ සහ වැඩිහිටි උසස් අධ්‍යාපන අවස්ථාවට ශ්‍රී ලංකාවේ ඇති ඉඩ පහසුකම් මොනවාද? රැකියා කරන ගමන් උසස් අධ්‍යාපනය ලබන්න ලංකාවේ ඉඩ තිබේද? මේ සඳහා අවශ්‍ය නම්‍යශීලි දේශපාලනයක් සහ කාල සටහන් තිබේද? ශ්‍රී ලංකාව ධුරාවලි මානසිකත්වයෙන්, පන්ති, කුල හා ජාති පදනම් රහිත අධ්‍යාපනයකට සුදානම්ද? ලංකාව 21 සියවසට පිවිසි ද? ජනතාවගේ බදු බර සැහැල්ලු කරන ක්‍රම මොනවාද?

ප්‍රවේශය

1. ලෝකයේ කුමන හෝ රටක්, එම රටේ ජනතාවගේ “රාජ්‍ය අනන්‍යතා පුහුණු වැඩසටහනින්”, එනම්, ප්‍රාථමික සහ අනිවාර්ය අධ්‍යාපනය (අවුරදු 16 දක්වා), අන් සතු නොකර රජය යටතේ පවත්වාගෙන යාම අත්‍යවශ්‍ය දෙයකි. මේ මගින්, එම රටේ, ඉතිහාසය, සංස්කෘතිය සහ වටිනාකම් පිලිබඳ අවබෝධය ලබා දීමෙන්, රට ට එක්වන නව පුරවැසියන් සහ රටේ වැඩිහිටි අය අතරේ අන්‍යොන්‍ය සන්නිවේදනය සහ සම්බන්ධතාවය අවම ගැටුම් වලින් යුතුව පවත්වාගෙන යාමට අවශ්‍ය වන වාතාවරණය සකස් වේ. අපගේ පර්යේෂණ වලට අනුව, භාෂා ඉගැන්වීම (සිංහල, දෙමල, ඉංග්‍රීසි, සංස්කෘත, පාලි, අරාබි, චීන, හින්දි, වංග සහ තවත්), ගණිතය නිර්මාණාත්මකව උගැන්වීම (දැනට ලෝකයේ සහ සිංහලේ උගන්වන ක්‍රිස්තියානි, ඉස්ලාම්, හෙබ්‍රෙව් දේවධාර්මික සංකල්ප වක්‍රාකාරව උගන්වන ගණිතය නොවේ), රටේ සම්පත් ගැන අවබෝධය සහ නිර්මාණශිලිත්වය වැඩි දියුණු කරන ක්‍රමෝපාය ආදි කරුණු මුල්වූ අධ්‍යාපනයක් ශ්‍රී ලංකාවට අත්‍යවශ්‍ය බව පෙන්වා දෙමු. මේ මුලික අධ්‍යාපනය, රජයේ ප්‍රතිපාධන මගින් පවතවාගෙන යායුතුය (නමුත් එය ලෝකයේ සෑම රටකම එසේ සිදු නොවේ). ඒවගේම රටක අනාගත පරපුර, රාජ්‍ය සේවයට (ලිපි කරුවෝ, ගුරුවරු, රාජ්‍ය පරිපාලන නිළධාරීන්, බටහිර ක්‍රමයට පුහුණු කළ වය්ද්‍යවරු, ගොඩනැගිලි, මාර්ග, කානු ආදීය ගොඩනගන්න සැලසුම් නිර්මාණය කරන අය ආදී) පමණක් සිමා නොකර, නිර්මානශිලිව සිතන පරපුරක් බවට පත් කිරීමට රටේ ප්‍රාථමික අධ්‍යාපන සැලසුම් සකස්වේ නම් යහපත් වන බව පැහැදිලිව පෙනේ. මෙවන් ප්‍රාථමික අධ්‍යාපනයකින් උසස් අධ්‍යාපනයට පිවිසෙන පුද්ගලයා නිදහස් සහ නිර්මාණශීලි පුද්ගලයෙකු වීමේ ප්‍රවනතාවය වැඩිය. එසේ නොමැතිනම්, තව දුරටත්, ශ්‍රී ලංකාව පම්පෝරි ගසමින් යටත්විජිත ආණ්ඩුවල සේවය කරන්න අවශ්‍ය ශ්‍රමිකයෝ පුහුණු කිරීමට සැලසුම් කළ අධ්‍යාපනය ම තලු මරමින් පවත්වාගෙන යන බව පැහැදිලිය. අධ්‍යාපනය පිලිබඳ රටේ ජාතික ප්‍රතිපත්ති ඉතා හොඳින් සැලසුම් කර, ක්‍රියාත්මක නොකර සිටින ශ්‍රී ලංකාව කොය්ය්බට යන්නේ දැය් ඇයද නොදනී. නමුත් අපට පෙනේ. ශ්‍රී ලංකාව තොමෝ, තවමත්, කුල, පන්ති, ඇති නැති, බලවත් දුබල යන අන්ත වල ගැටෙමින් එලෝ විකාරෙන් මෙලෝ අත ගාමින් අන්ධකාරයේ අත පත ගාමින් ගමන් කරන්නීය. ඇගේ දෙතනින් පෝෂණය වන්නෝ කුහකයෝ මැ වූයෙන්, ඇය දිගින් දිගට ඇගේම රුධිරයෙන් පෝෂණය වන්නන් විසින් දුෂණයට ලක්වෙමින් සිටින්නීය.

 

2. අනිත් පැත්තෙන්, බටහිර මිනුම් දඬු වලට අනුව ලිවීමේ කියවීමේ හැකියාව පමණක් ලබා ඇති ලෝකයේ මුල් පෙලේ ජාතියක් විමෙන් ශ්‍රී ලංකාව ලැබූ ප්‍රතිඵල මොනවද? සිදුව ඇත්තේ, ශ්‍රී ලංකාව බටහිරයන්ට ඔවුන්ගේ අධ්‍යාපන යටත්විජිතවාදය අනෙක් රටවල දේශනා කරන්නට නියැඳියක් විම පමණි. සිරි ලංකවේ මිනීසුන් තවමත් කුල, පන්ති, ඇති නැති, උගත්, නුගත්, රාජ්‍ය, පෞද්ගලික ආදී බෙදීම් වල සිට ඔවුනොවුන් අතරේ කා කොටා ගනිති. එසේම, වත්මන් අධ්‍යාපන ක්‍රමය මගින්, සිසුන් තුළ මුලික වශයෙන් ජනිත කරන්නේ ඉච්ජාභන්ගත්වය සමග තමා සහ සමාජය ගැන වෛරය පමණක් බව පැහැදිලිය. 1948 සිට රටේ අනාගතය බාරගන්න අයව, තම අනාගතය ගැන බිය වුනු පිරිසක් වශයෙන් එලියට දමය්. දැනට පවතින තරඟ විභාග ක්‍රමය මගින් ජාති වාදයට, කුල වාදයට සහ ජර්මනියේ නාසි වදයට වඩා භයානක අන්දමින් ළමා සහ තරුණ පිරිස් සාමාන්‍ය ජිවිත ප්‍රවාහයෙන් ඉවතට තල්ලුකර දමය්. ඔවුන් මෝඩ තකතිරුවෝ වශයෙන් සමාජය ට පෙර, ඔවුන්ටම ඒත්තු ගන්වන්නට ක්‍රමොපායෝ සකස් කර ඇත. අසාර්ථක පුද්ගලයන් බවට පත් පුද්ගලයෝ බොහෝවිට මෙහෙකාර කමට රට පැටවෙති (එසේ කිරීමට ඔවුන්ව පොලඹවනු ලැබෙය්). මේ තකතිරුවන් තම ජිවිතේ පුදා හොයන ඩොලර්, දිනාර්, යූරෝ වලින් කුහකයෝ සාජ්ජ දමති. සැබෑ කරුණු මෙසේ වුවද කිසිවෙකුත් කිසිවක් නොකරති. විභාග හුදු සටහන් කට පාඩම් කර වමාරන ක්‍රමයෙන්ම පවත්වාගෙන යති. මින් නිර්මාණශිලිත්වය කෙසේ වෙතත්, ඉගෙන ගන්නා තුළ තමා ගැන හෝ විශ්වාසයක් ජනිත නොකරය්. මේ ක්‍රමයෙන්, අලුත් දෙයක් බිහි කරන පිරිස් බිහි කරන්නේ නැත. නවතත් කිව යුත්තේ, මේ ක්‍රමය හුදු රජයේ බදු වලින් යැපෙන, රජයේ සේවා පවත්වාගෙන යන්නට අවැසි පුද්ගලයන් බිහි කර ගැනීමක් සඳහා පිළියෙළ කළ බටහිරයෝ ශ්‍රී ලංකාවට දායාද කළ ක්‍රමයම හෝ එහි යම් යම් වෙනස් කම් කළ කොපියක් බවය්.

3. උසස් අධ්‍යාපනය, නිදහස් විය යුතුය. නමුත් "නිදහස් අධ්‍යාපනය" යන්නෙන් එය අනිවාර්යයෙන් රජයේ මුදලින් (ජනතාවගේ බදු වලින්) පවත්වාගෙන යාමක් අදහස් වේ යැය් නොසිතමු. නිදහස් අධ්‍යාපන සංකල්පයෙන් සිදුවිය යුත්තේ, සින්හලේ මානසිකත්වයේ පැලපදියම්ව ඇති කුල, පන්ති, උසස් පහත්, ඇති නැති, ආදී පටු බේධ නිශේධ කර සමානත්වයෙන් යුතුව රටේ භාෂාව, සංස්කෘතිය, ගැටුම් සාකච්චා කිරීමෙන් අවම හෝ සමතයකට පත් කරන ක්‍රම ඉගෙනීම, තම පරිසරය ගැන වඩා පර්යේෂණාත්මක අයුරින් ඉගෙනීම ආදි දේ ඉගෙනීමට රටේ ජිවත්වන, උපදින හෝ පිටතින් එහි ජීවත්වීමට පැමිණෙන අයට දොර හැරීමකි. එයට රාජ්‍ය සහ පෞද්ගලික සහභාගිත්වය ලබා ගත යුතුය. අධ්‍යාපනය හුදු ජීවත්වීම සඳහා එකිනෙකා පරයා නැගී සිටියයුතු තරඟයක් නොවන බව වටහා දෙන්න හැකි බුද්ධිමත් මිනිසුන් ශ්‍රී ලංකාවේ නැති බව පැහැදිලිව පෙනේ. විභාග, හුදු, සටහන් කට පාඩම් කර වමාරන ක්‍රමයෙන් බැහැරව පවත්වාගෙන යාමට කිසිදු අවධානයක් මෙතෙක් යොමු කර නැත.

 

4. අනෙක් පැත්තෙන්, අධ්‍යාපනයේ සම්පුර්ණ බර පැන ජනතාවගේ බදු මගීන් පියවාගෙන යන ක්‍රමය ශ්‍රී ලංකාව වැනි රටකට අවාසි සහ දැඩි අර්බුධ ගෙන එන ක්‍රමයකි. අප දන්නා පරිදි, අවුරුදු 05 සිට ප්‍රථම උපාධිය දක්වා වියදම් දරන්නට ජනතාවට සිදුව ඇත. මේ බර පැන සඳහා, කුහක අයුරින් රටේ අධ්‍යාපනයෙන් මෝඩ තකතිරුවන් වශයෙන් ඉවතට තල්ලු කරන ලද ජනතාව විශාල මෙහෙයක් කරති. එනම්, ඔවුන් කුඩා කාලයේ සිට වැඩ කර හෝ, විදේශ ගතවී හෝ රටට මුදල් සොයා දෙති. මේ නිසා, අද මේ ගැන නැවත සිතිය යුතු කාලය එළඹ ඇත. මේ දිනවල රජයේ මුදලින් පවත්වාගෙන යන විශ්ව විද්‍යාල වල ඉගෙන ගන්න සිසු සිසුවියන් පෙළපාලි යමින්, මාලඹේ පෞද්ගලික වෙද විදුහල රජයට ගන්න යය් කීම බුද්ධිමත් ව හිතා කියන දෙයක් නොවන බව පැහැදිලිය. ඔවුන්ගේ කුහක සහ මානය රටේ පොදු වැරදි වටිනාකම් වලින් පැන නැගුනු ඒවා බව ම පෙනේ. එනම්, තමන් අධ්‍යාපන තරගෙන් දිනා, ජනතාවගේ මුදලින් ඉගෙනගන්නට තරම් දක්ෂ වූ යේ යය් උදම් අනන පුහු මාන්නයය්. ලෝකයේ, බොහෝ බුද්ධිමතුන්, විද්‍යාඥයන්, නව සොයා ගැනීම් කළ අය, දාර්ශනිකයන් රැකියා කරමින් විශ්ව විද්‍යාලයකට හෝ නොයමින් ස්වෝත්සාහයෙන් උගත්තෝ වෙති. උදාහරණයකට, මහා ගත් කරු ජි. බි. සේනානායකයෝ, 14 වන වියේදී පාසල අත්හල 18 වන වියේදී කොළඹ පුස්තකාලය තම විශ්ව විද්‍යාලය කරගෙන ස්වෝත්සාහයෙන් උගෙන මහා ප්‍රාඥයෙක් වූයේය. අද ජනතා බදු මුදල් වලින් පවත්වා ගෙන යන, විශ්ව විද්‍යාල වල සටහන් කට පාඩම් කරන්නන්ට මේවා විහිළු සේ පෙනෙනු ඇත. එවන් උසස් චින්තනයක් ගොඩ නගාගන්නට මුල් වෙන්නේ යහපත් චරිතයය්. තරමක් දුරට පවුල් පරිසරය ද මිට හේතු විය හැක. මිට අමතරව, අප පෙර කී ක්‍රමවත් සහ නිදහස් ප්‍රාථමික අධ්‍යාපනයකින් මෙවන් නිදහස් නිර්මාණශීලි පුද්ගලයින් බිහි විම වැඩි කරගන්නට හැකිය.

 

5. මේ අතරේ, මාලඹේ පෞද්ගලික වෙද විදුහල රජයට පවරාගන්නට යය් කියමින් පෙළපාලි යන ජනතා බදු මුදලින් ඉගෙනගන්න සිසු සිසුවියෝ බටහිර පන්නෙට ඇඳ පැලඳ පුවත්පත් සාකච්චා පවත්වති. මේ පවරාගැනීම කලොත්, එය ක්‍රියාත්මක කිරීම සඳහා රජයට මුදල් සපයා ගත යුත්තේ තව තවත් ජනතාවට බදු පැටවිමෙන් බව ඔවුන්ට දැනගන්නට අවැසි නැත. ඔවුන්ගේ සිහිනයද ජනතා මුදලින් ඉගෙනගෙන, ඔවුන්ගේ මනෝ රාජ්‍යයෝ ගොඩනගා ගැනිමය. කෙසේ වෙතත්, මේ කුහක සහ ඊර්ශයාව පෙරදැරි කරගත් අසාධාරණ, ශ්‍රී ලංකාවේ වැඩවසම්, පන්ති සහ කුල මානසිකත්වය යටත්විජිත පදමනම් අනුව මෙහෙයවීමේ ප්‍රතිඵලයෙන් උපන් සටන් ලොප් කළ යුතුය. මෙවන් කුහක පුද්ගලයෝ, ජනතාව මත තව තවත් බදු පටවන්නට හේතු වෙති.

රජයේ වීශව විද්‍යාල වල ඉගෙන ගන්න අය, සාධාරණය සහ අසාධාරණය ද ඔවුන්ගේම පන්ති මානසිකත්වයෙන් හදා ගත් වටිනාකම් මත තක්සේරු කරන බව පෙනේ. ඇතුලෙත් ගැට පිටත් ගැට! අපි පැහැදිලිව දන්නා පරිදි, දැනට, පොදුවේ ශ්‍රී ලංකාවේ අධ්‍යාපනය ඒකාකාරී වේ, එනම්, නිර්මාණශීලි නොවේ. ඉන් රජයට අවශ්‍ය සේවකයන් ඇති දැඩි කරගැනීම මුලික අරමුණ වේ. අනෙක් පැත්තෙන්, විශ්ව විද්‍යාල ලේබලය, තමන්ට නැති හෝ තිබී නැතිවූ පන්ති හෝ කුල ශක්තිය ලබා ගන්නට මාර්ගයක් නොවන බව තේරුම් ගන්නට හැකි නම් රටට කරන යහපතකි. උපාධි ලේබලයෙන් ලංකාවේ “ප්‍රභූ වන්දනා” මානසිකත්වයෙන් වාසි ලබා ගන්නට තරම් පහත් මානසිකත්වකින් පෙළෙන්නේ නම් එය ජාතියේම අවාසනාව වේ.

 

6. රටක් පවත්වාගෙන යන්නට සේවා අත්‍යවශ්‍ය වේ. නමුත්, රට ඉදිරියට ගෙනයන්නෝ නිර්මාණශීලි නිදහස් පුද්ගලයෝ බව අමතක නොකළ යුතුය. කණගාටුවට කරුණ නම්, ශ්‍රී ලංකාවේ ව්. විද්‍යාල වලින් පිටවන අය ජනතාවගේ බදු වලින් යැපෙන ක්‍රම මතම යැපෙන්න හිතන අය විමය්. ඔවුන් රජයේ බදු වලින් යැපෙන, රජයේ රැකියාවක් නොලැබුනොත්, තමන් අසාර්ථක  බව සිතති. නමුත් පැහැදිලිව කිව යුත්තේ, නිදහස් අධ්‍යාපනය යනු ජනතාවගේ බදු මුදලින් ඉගෙන ගෙන ජනතාවට කොකා පෙන්වන ක්‍රමය නොවන බවය්.

Get up and tell us who you are (a story on Nikita khrushchev) - Ajith Rohan JTF

 

දෙපය්න් හිටගෙන ඔබ කවුද කියා කියන්න! (කීම සහ කිරීම අතරේ වෙනස)

නිකීත කෘශෙෆ් (Nikita Khrushchev 1894-1971) ස්ටාලින් වාදය අවසන් කිරීමට මුල්වූ, සොවියට් කොමියුනිස්ට් පක්ෂයේ ලේකම් වශයෙන් ද කටයුතු කළ, දක්ෂ දේශපාලකයෙකි, සිවිල් සේවකයෙකි. 

ඔහු ස්ටාලින් යුගය පිලිබඳ ඔහුහේ ප්‍රසිද්ධ සමාලෝචනය (25. 02. 1956 ක්‍රෙම්ලින්) කරගෙන යන විට, සභාවේ සිටි අයෙක්: “ස්ටාලින් මේ ඔක්කොම අහිංසක මිනිසුන් මරා දමන කොට, ඔබ කොහෙද හිටියේ කෘශෙෆ් සහෝදරයා” යනුවෙන් ඇසීය.

කෘශෙෆ්, කතාව නවතා, “කරුණා කරලා ඒ ප්‍රකාශය කළ මහත්මයා නැගිටින්න” ය් කිවේය. 

මහා දැඩි නිහඬ බවක් සහ පීඩනයක් මිස සභාවේ කිසිවෙකුත් හුස්ම ගන්න හඬක් හෝ නොනැඟුවෝය. එනම්, ඉහත ප්‍රකාශයෙ වගකීම ගන්නට කිසිවෙක් හෝ නැගි සිටියේ නැත. 

මේ අනුව කට හඬ අවදි කළ කෘශෙෆ් මෙසේ පිළිතුරු දුන්නේය: “හොඳය්, එහෙනම්, ඔන්න දැන් මගේ පිළිතුර ඔබට දෙන්නම්. එදා මම හිටියේ ඔබ (ඉහත ප්‍රකාශය කළ) දැන් සිටිනවා හා සමාන ම තත්වයකය් ”. 
 

උගත හැකි පාඩම: ඕනෑම ව්‍යුහයක් (සමාජ, දේශපාලනික, ආර්ථික, සංස්කෘතික) සම්බන්ධව සත්‍යය පැවසීමට නිර්භීත කම සහ ධය්ර්යය තිබිය යුතුය. නමුත්, යම් ව්‍යුහයක වැරදි පෙන්වා ඒ සත්‍යයට අනුව පියවර ගන්න ඉදිරිපත් වීමට, ඊටත් වඩා ශක්තිය, ධය්ර්යය සහ නිර්භීත කම අවශ්‍ය වේ.
"කීම සහ කිරිම අතරේ පරතරය මෙය වේ. ඒ මහා මුහුද තරම් වේ යය් ඉතාලි බසින් කියනු ලැබේ. - tra dire e fare, c'è di mezzo il mare".

1815 Agreement, pro-Western governments and Sinhala traitors

 

1815 උඩරට ගිවිසුම, බටහිර ගැති ආණ්ඩු සහ සිංහලේ ද්‍රෝහියෝ (අංක 03)

 

1815 සහ අද 2015 සිංහලේ අතර වෙනස?

1815 මාර්තු 02 දා සිදු වුයේ, මහනුවර මගුල් මඩුවේදී උඩරට ප්‍රභූන් විසින් අත්සන් කරන ලද ගිවිසුමට අනුව සිංහලේ, බ්‍රිතාන්‍ය යටත්විජිත පාලනයට සිය කැමැත්තෙන්ම භාර දීමය. මෙසේ සියතින් ගෙල සිඳ ගැනීමෙන්, සැබවින් ම සිංහලේ ප්‍රභූ පැලැන්තියේ දේශපාලන අපරිණත බව මොනවට පැහැදිලි වේ. ඔවුන්ගේ දැක්ම අශ්වයන්ගේ තරම් වූ බව පෙනේ (නියම කළ, දෙන ලද ප්‍රදේශය හැර කිසිත් නොපෙනීම). ඔවුහු හැකි ඉක්මනින් ශ්‍රී වික්‍රම රාජසිංහ රජු ඇතුළු නායක්කාර වංශිකයෝ රටින් පිටමන් කරව ගැනීමේ අවැසිතාව වෙනුවෙන් ක්‍රියා කළෝ මිස, තම බටහිර සතුරාගේ තරම ගැන දැන නොසිටි බව පැහැදිලිය. එය අද ද එසේ ම බැව් සක් සුදක් සේ පැහැදිලිව පෙනේ. තවමත් සිංහලේ දේශපාලනය කරන්නෝ ඉංග්‍රීසින්ගේ (සහ පොදුවේ බටහිර) ආශීර්වාද ලද්දෝ විය යුතුය (හෝ එසේ සිතති ඒ අනුව කරති). ඒ අයුරින්, ඉංග්‍රීසින්ට (බටහිරට) තවදුරටත් තම යටත් විජිතයට අණ කරන්නට හැකියාව ලබා දෙන්නට අමතක කර නැත (තාන්න මාන්න හා වාසි වෙනුවෙන්). උදාහරණයකට 1948 න් පසු සිංහලේ පාලනය කළෝ ඉංග්‍රීසි ගැතියෝ හෝ ඉංග්‍රීසින්ට කුමන අයුරින් හෝ කීකරු වුවෝ වෙති. උදාහරණයකට, බණ්ඩාරනායකවරු සිය ඇන්ග්ලිකන් භක්තිය (ඉංග්‍රීසින්ගේ ආගම), සිංහල බෞද්ධ නම් වූ වෙස් මුහුනින් වසාගෙන රට කළෝ විය. ඔවුන්ගේ තෝතැන්න එංගලන්තේ බව අදටත් කාටත් දැක ගත හැකි දෙයකි. ඔවුන්ගේ දරු මුණුබුරෝ එක්කෝ දැනටමත් ඉංග්‍රීසි කාරයෝ වී ඇත නැතහොත් ඉංග්‍රීසින් ලවා ඔලුව හෝදාගෙන ඇත. අනෙක් පැත්තෙන්, හැකි හැම විටම, අදටත්, සිංහලේ දේශපාලකයන් සහ ඇති හැකි සෑම සාමාන්‍ය සිංහලයෙක් ම හීන මවන්නේ ද තම දරුවෙක්, මුනුබුරෙක් සුද්දන්ගේ තුන්වෙනි පන්තියේ (බ්‍රිතාන්‍යයේ සහ පොදුවේ බටහිර, පන්ති සහ ඇති හැකි තත්වය අනුව පාසල් සහ විශ්ව විද්‍යාල පවත්වාගෙන යන බව මේ ලිපිය කියවන අය දන්නේ යය් උපකල්පනය කරමු) හෝ පාසලක ට විශ්ව විද්‍යාලයකට මොන තරම් විශාල මුදලක් හෝ දෙමින් ඇතුල් කර ඉංග්‍රීසි පන්නෙට ඇති දැඩි කරවාගෙන, පම්පෝරි ගසන්නටය. මේ තරමට සිහලයෝ සහ සිංහලේ ජිවත් වන අනෙකුත් ජාතින් ඉංග්‍රීසින්ට ගැතිව කටයුතු කරන බව පැහැදිළි ය. මේ මගින්, සිංහලේ මිනිසුන් ට ජන්මයෙන් ලැබුණු “ප්‍රභූ වන්දනා” ගතියෙන් ප්‍රයෝජන ගෙන රටේ රජ වෙන්නට හෝ ජනතා මුදලින් යැපෙන්නට (රජයේ රැකියා, දේශපාලනය ආදී දේ ඔස්සේ) මගක් ලබා ගන්නට උත්සහ කරන බව ද නොරහසෙකි. මේ අනුව, “ඇතුලෙත් ගැට, පිටත් ගැට” යය් කිවොත් නිවැරදි බව අපගේ හැඟීමය්. මුළු රටම තරඟෙට සුද්දන්ට ගැති කම් කරන බව පැහැදිළිය. එය විවිධ අයුරින් සිදු වන අතර ඒ ගැන වැටහීමක් ලැබීම වැදගත් වේ. 

(මුළු ලිපියම කියවන්න කැමති නම් ඊ මේල් එකක් මගින් ඉල්ලන්න. මෙතනින් මේ ලිපි කෙටියෙන් පමණක් පල කරමු. If somebody desires to read in english, kindly send us an email. you can find the e-mail contact space on the side bar).

Temporal Military State for Sri Lanka - Ajith Rohan JTF

 

1. සිංහලේ ට තාවකාලික හමුදා රජයක්

1.1. සිංහලේ හෝ ශ්‍රී ලංකා හෝ කුමන හෝ නමෙකින් හැඳින්වුවත්, බුදු දසුන ආලෝකය කරගෙන මේ රටේ ඉතිහාසය ට සහ සංස්කෘතිය ට පදනම් දැම්මෝ පැරණි සිංහලයෝ මැ වෙති. වත්මනෙහි, සිංහලයෝ බටහිර සංස්කෘතියෙන් සහ නොයෙක් උපක්‍රම මගින් අනන්‍යතාවක් නැති, පිට කොන්දක් නැති අවජාතකයන් බවට පත් කර සිටිති (මේ අනුව බලන කල, ඉස්ලාම්, තම අනන්‍යතාවය රැක ගැනීම සඳහා සටන් වැදීම අගය කරමු. සංස්කෘතික හා ජාතික වශයෙන් අවජාතක විමට වඩා, සටන් වැදී ම හෝ රට හැර යාම යෙහෙකි). අද සිංහලයෝ තම රට ජාතිය නොහඳුනති. ඔවුන් බටහිරයන් පුරුදු කළ ආකාරයට, නමුත්, කිසිම බටහිර රටක නැති සහජීවනයක්, සංහිඳියාවක් ගැන සිහිනෙන් මෙන් නමුත් මරුවිකලෙන් දොඩවති. මේ තත්වයෝ එනම් ජාතික සමගිය, සහජීවනය, සංහිදියාව, ආදී සියල්ල තහවුරු විය යුත්තේ ව්‍යවස්ථාවකින් තහවුරු වූ බලවත් වූ රටක පමණි. එසේ නොවූ කළ මේ සියල්ල උගුල් සහ බටහිරයන්ගේ උපක්‍රම ම වෙති. සිංහලයෝ, තම දු දරුවන් නොහඳුන න තත්වයට පැමිණ ඇත. පාර්ලිමේන්තුවේ මන්ත්‍රීවරියන්ට ලිංගික අඩත්තේට්ටම් කරන තැන ට රට කරවන තැන ද පත් වී ඇත. මොවුහු රට ගැන ජාතිය ගැන නොසිතති. පොදුවේ ජාතියක් වශයෙන් එක් විය යුතු අවස්ථාවේ වෙන් වී බෙදී කටයුතු කරති. කෙටියෙන්ම ඔවුන්ට රටක් ඇතය් කියා හෝ නොහඟීති. 

1.2. මෙවන් වාතාවරණයක දී සිංහලේ ප්‍රශ්න වල ට විසදුමක් දීමට හැකියාව ඇත්තේ මේ වෙනුවෙන් පිහිටුවාගන්න තාවකාලික හමුදා රජයක ට පමණි. නමුත්, මේ ෆිස්කල් මිලිටරි රජයක් නොවී, රටේ පවතින ප්‍රශ්න වලට විසඳුම් සෙවීම සඳහා සිමා නියම කළ බලවත් රජයක් විය යුතුය. මෙහිදී විශේෂයෙන් රටට සිදුවන බාහිර ඇඟිලි ගැසීම් (බටහිර සහ ඉන්දියාව) වහාම නැවත්වීම හෝ ඒවා නොසලකා හැර කටයුතු කළ යුතුය. රට එක ව්‍යවස්ථාවක් එක භාෂාවක් (සිංහල) සහ පොදු එක සංස්කෘතියක් (බෞද්ධ සංස්කෘතිය) යටතේ එක්සේසත් කළ යුතුය. එසේ නැතහොත් (දෙවන විසඳුමක් ලෙස), බලවත්, සිංහල රජයක් පත්කර ගත යුතුය. මේ සඳහා සිංහලයන් එකමුතුව නමුත් ප්‍රජාතන්ත්‍රවාදීව වෙන්ව සටන් කළත් එක්වි රට එක්සේසත් කරන්නට කටයුතු කළ යුතුය (ආත්මාර්ථයෙන් නොව රට වෙනුවෙන් පමණක් මැ සිතා එක්වි කටයුතු කළ යුතුය). නමුත්, ගැන අප තුළ බලවත් දෙගිඩියාවක් පමණක් ඇතිවේ. එනම්, මෙම දෙවන කරුණ ගැන අප එතරම් විශ්වාසය නොතබමු. මන්දයත්, සිංහලයෝ සමගි කරන්නට හෝ එක මාර්ගයකට ගන්න ට හෝ බැරි, එකිනෙකාට විරුද්ධව කා කොටා ගන්නා ප්‍රාථමික මනසකින් ක්‍රියා කරන්නෝ බැවිනි. 

1.3. අභියෝගය 

නමුත්, වත්මන් ත්‍රිවිධ හමුදාවේ මේ වගේ නිර්භීත, සිංහලේට ආදරය කරන දක්ෂ සහ ඥානවන්ත හමුදා නිලධාරීන් සිටීද?

Sri Lanka and Srilankans - Ajith Rohan JTF - Rome

ශ්‍රී ලංකාව සහ ශ්‍රී ලාංකිකයෝ

නිමිත්ත

ශ්‍රී ලංකා භුමිය වසර 2500 කට වැඩි කලක් පෝෂණය කර ආරක්ෂා කළෝ සිව් හෙළයෝ වෙති. ලෝකයේ ලියවුනු ඉතිහාස (අඩුපාඩු සහිතව හෝ) ඇත්තේ ජාතින් දෙකකටය්: හෙබ්‍රෙව් (බය්බලය) සහ සිංහල (මහාවංශය ඇතුළු අනෙකුත් වංශ කතා) ජාතීන්ටය. මේ සිංහල හෝ සිව්හෙලය අඛණ්ඩව, සිංහල බස මැ කතා කලෝය. එසේම ඔවුන් බෞද්ධ දර්ශනය මත සිය නව ජිවිත පදනම් යොදා ගත්තෝය. මේ අනුව, එම ඉතිහාසය ද අඛණ්ඩව පැවත ආ බැව් කාටත් වැටහේ. ඒ අතරේ ද්‍රවිඩ, මුස්ලිම් සහ අනෙකුත් ජාතින් ශ්‍රී ලංකාවට යුද්ධ කිරීමට, වෙළඳාම් කිරීමට, රට විනාශ කිරීමට ආදී මෙකි නොකී බොහෝ අරමුණු වලින් පැමිණියෝය. ඒ පැමිණි අයගෙන් ශ්‍රී ලංකාවේ ජීවත්වීමට සිතූ අයව සිංහලයෝ විසින් සහෝදරත්වයෙන් පිළිගනු ලැබිණි. මේ අනුව, මේ පිටින් පැමිණියෝ අද පරම්පරා සිය ගණනක් පසු වූ නමුත්, තවමත්, ඔවුන් පිටින් පැමිණියෝ සහ සුළු ජාතිකයෝ මැ බව සිතන බව පැහැදිලි වේ. ඒ ඔවුන්ගේ සමානයෝ වෙනත් රටවල සිටින බැවිනි. මේ නිසා ඔවුන්ට අද ශ්‍රී ලංකාවෙන් වෙනම කොටසක් අවැසි වී ඇත. මේ නම් හතර බිරි කතාවෙකි. කෙසේ වුවත්, සිව් හෙළ වැසියෝ මේ භුමිය ගැන පමණක් සිතෙති. ඔවුන්ට වෙනත් රටක් නැත. ඒ ඔවුන්ගේ රටය්. 

මේ අනුව, ශ්‍රී ලංකාවේ ජිවත් වෙන්න ආව පිට ජාතිකයෝ ශ්‍රී ලංකාවේ බෞද්ධ සංස්කෘතියට සහ එහි වටිනාකම් වලට අනුව ජිවත් විය යුතුය. එසේ නොවේනම්, ඔවුන්ට අවැසි අයුරින් කටයුතු කිරීමට සහ එසේ ජිවත් වීමට ඉඩ දෙන රටකට යායුතුය (එවන් රටවල් ලෝකයේ කොතනකවත් නැත). සුළු ජාතින් වශයෙන් තමන්ව හඳුන්වාගන්නේ නැතිව පොදුවේ ශ්‍රී ලන්කිකය්න් සේ, එහි පොදු සංස්කෘතියට සහ වටිනාකම් වලට අනුව ජිවත් වෙන්නට හැකිනම් එයම මේ සියලු අවුල් වලට විසැඳුම වේ. නමුත්, එවන් පරිනත තත්වයක ශ්‍රී ලංකාවේ වෙසෙන ද්‍රවිඩ, මුස්ලිම් සහ අනෙකුත් ජාතින් සිටි යය් නොපෙනේ. විවධ ආගම් කරන්නෝද එලෝ විකාරෙන් මෙලෝ අතගාති. 

ආදර්ශ විස්තරය 

ශ්‍රී ලංකාව වැනි බොහෝ රටවල් ප්‍රශ්න වැල්වල පටලවා බටහිරයෝ දුරස්ථ පාලනයෙන්, දේශීය කළු සුද්දන් ලවා ඔවුන් ට අවැසි දේ කර ගැනීමේ ක්‍රමය ඉතා හොඳින් සිදුවෙමින් පවතී. ආර්ථික බලය යොදා ලෝකය ගෝලීය කරණය කරමින් “පළමු වරට උණු වතුර සොයාගත්” (හාස්‍ය උපදන) අය සේ, උද්දාමයෙන් පසුගිය දසක කීපයම ස්වරූප කාමයෙන් පසු කළ බටහිර, අද ආපසු හැරෙමින් සිටි. අද ඔවුන් මුල්ස්ලිම් ආක්‍රමණවලින් අවදි කෙරී ඇත. ත්‍රස්තවාදය ඔවුන්ගේ ගෙවල් වලට පැමිණ සිටි. නමුත්, පසු ගිය කාලයේ, පල්ලියද, තම ධන බලය, බටහිර බහු ජාතික සමාගම් බලය, බටහිර දේශපාලන බලය යොදා සර්වාගම් නාඩගමක් පටන් ගත්තෝය. ඔවුන්ට අනුව,සෑම රටක්ම බහු සංස්කෘතික වාදයක් අනුගමනය කළ යුතු විය. එසේම සර්ව ආගම් සංස්කෘතියක් බිහිකරන්නට උත්සහ කළෝය. නමුත්, අද මේ සියල්ල නැවත සාකච්චාවට බඳුන් වෙමින් පවතින අතර පළමු වරට මෙම බහු සංස්කෘතික සහ සර්වාගම් නාඩගම් අසාර්ථක වූ බව පිළිගත්තේ ජර්මනිය විය. අද යුරෝපයේ සියලු රටවල් තම තමන්ගේ අනන්‍යතාවය ආරක්ෂා කරගන්නට කටයුතු යොදා ඇත. ඔවුන්ට අනුව,ඕනෑම සුලු ජාතියක්, විදේශිකයෙක් යම් රටකට ඇතුල් වී ජිවත් වෙන්න සිතය් නම්, එසේ අවැසි නම්, ඔවුන් එම රටේ සංස්කෘතිය සහ නිතිය අනුව ක්‍රියා කළ යුතු බව ට අනපනත් සකස් කර ඇත. උදාහරණයකට, අප දැනට ජිවත්වන ඉතාලියේ නීතියට අනුව, දිගුකාලින විසා අවසරය ලබාගන්න පෙර ඉතාලි බස පිලිබඳ විභාගයක් කර එම සහතිකය ද ඉල්ලුම් පතට ඇමිණිය යුතුය. එසේ නැත්නම්, ඉතාලියේ, පාසල් සහතිකයක් හෝ විශ්ව විද්‍යාලයක උපාධි සහතිකයක් හෝ ඉදිරිපත් කළ යුතුය. මෙහි සියලු රාජකාරි කෙරෙන්නේ ඉතාලි බසිනි. මෙයම උතුරු අමෙරිකාවේද, ක්‍රියාත්මක වේ. බ්‍රිතාන්‍යයේ, මේ තත්වය ඉතාම දැඩි ලෙස සාමාන්‍ය ජිවිතයේද සිදුවේ. එනම්, යමෙක් නිවැරදිව ඉංග්‍රීසි බස කතා නොකලොත්, වෙළඳ සලකින් භාණ්ඩයක් මිලදී ගැනීමේ සිට ප්‍රවේශ පත්‍රයක් හෝ මිලට ගන්නට නොහැක. සාමාන්‍ය මිනිසුන් හෝ පිළිතුරු දෙන්නේ නැත. නමුත්, ශ්‍රී ලංකාවේ කළු සුද්දෝ, බටහිර පල්ලි නියෝජිතයෝ තවමත්, යල්පැන ගිය බටහිර සිහින අනුව එලෝ විකාරෙන් මෙලෝ අතගාන වැඩ කරති. වතිකාන රජයේ ඇමති වරයෙක් වන මැල්කම් රංජීත් පූජක තුමා, කටයුතු කරන්නේ ඔහුගේ රජයට බව අමතක නොකළ යුතුය. මේ පය බරවායට පිටිකර බෙහෙත් බඳින්නන් නිසා, පිඩාවට පත්වන්නෝ ශ්‍රී ලාංකිකයෝම වෙති.

World Powerful and Rich Terrorist groups and West 01 - by Ajith Rohan JTF

ලොව දැනට සිටින ධනවත් සහ බලවත් ත්‍රස්තවාදී කණ්ඩායම් සහ බටහිර 01 

 

1. ත්‍රස්තවාදය නිර්වචනය කළ හැකිද

1.1. මේ සටහන ලියන මොහොත වන විට (10/01.2016) ත්‍රස්තවාදය හෝ ත්‍රස්‌තවදියා යන සංකල්ප නිශ්චිත ව වටහා ගැනීමට අපහසු වී ඇත. සැමදේම නිර්වචනය කරන බටහිර, ත්‍රස්තවාදය ගැන කුමන අදහසක් දරය් ද යන්න සොයා දැනගන්නට අප කළ උත්සාහය ව්‍යර්ථ වූ මුත්, මේ ගැන කෙටියෙන් නමුත්, පොදු සම්මුති වලින් බැහැරව, ස්වාධීනව හෝ සටහන් කරමි. ඒ ගොඩනැගෙන්නේ අපගේ පර්යේෂණ වල ප්‍රතිඵල නිසා ඒ ගැන අප සෑහිමට පත්වෙමු. නමුත්, අපගේ ක්‍රමය අනුව, නව ප්‍රශ්න අසමින් තව දුරටත් පර්යේෂණ කරන්නට ඉඩ තබමු.

1.2. ශ්‍රී ලංකාව, 2009 වසරේදී එක්තරා දුරකට නායකත්වය ට සහ භෞතික සම්පත් වලට පහර දීමෙන් LTTE ත්‍රස්තවාදය පාලනය කළේය. නමුත්, ත්‍රස්තවාදය සහ එහි අක්මුල් තවමත් පවතී. මේ වනවිට ඒවා දළුලමින් පවතී. ශ්‍රී ලංකාවේ ජනාධිපති, “නොබෙල් සාම ත්‍යාගය” ලබන්නට සිතා හෝ, හිටපු පාප් වරයෙකු අනුගමනය කරන්නට සිතා හෝ, (බටහිර ගැති, ප්‍රාදේශීය සහ ග්‍රාම්‍ය මනසක් ඇති කුරුමිට්ටෝ සම්මාන වලට මුව වී ලොක්කන්, යෝධයන් වෙන්නට සිතති පතති. මෙවන් ගැත්තෝ ශ්‍රී ලංකාවට හානියකි) මිනිමරු ත්‍රස්තවාදියෙකුට සමාව දී එතුමාගේ පදවි ප්‍රාප්තිය සැමරීම පිළිකුල් සහගත කටයුත්තෙකි. ජනපති බලතල යොදා කාට හෝ සමාව දෙන්නට උහුට හැකි වුවත්, එතුමා කළේ ශ්‍රී ලංකාවේ ජනතාව පවා දීමකි. අනෙක් පැත්තෙන් අපට එතුමාගේ පරස්පර විරෝධි සදාචාරාත්මක කතා, ජනතාව රැවටීමට කරන රඟපෑම් වල ප්‍රතිඵල සේ පෙනේ. 

1.3. ශ්‍රී ලංකාවේ ත්‍රස්තයෝ බටහිර ආධාර උපකාර සහ ආශීර්වාද ලැබුවෝ වෙති. එය අදටත් වෙනස් වී නැත.  මොවුන් සතුව තිබු යුධ ආයුධ සම්බන්ධව 03. 01. 2016 ඉරිදා දිවයින පුවත් පතේ වූ ලිපියට අනුව, පොදුවේ බටහිර රටවලට නිදහසට කිව හැකි යමක් වේදැය් සැක සහිතය්. නමුත්, ඔවුන්ට විරුද්ධව කළ හැකි දෙයක් ද නැත. මෙයට හේතුව කුමක්ද? බටහිර කරන වැරදි වලට ලොව කොතනකවත් නීති ක්‍රියාත්මක විමක් දක්නට නැත්තේ කුමන හේතුවක් නිසාද (“නඩුත් හාමුදුරුවන්ගේ බඩුත් හාමුදුරුවන්ගේ නිසාද”)? පොදුවේ ඉස්ලාම් ත්‍රස්තවාදය බටහිර විරෝධී බැවින් එයට අත්පොලසන් දීමට සිතේනම්, එය බටහිරට වලක්වන්නට හැකිද? මේ ගැන පසුවට සාකච්චා කරමු.  

1.4. කෙසේ වෙතත්, යම් රටක ජනතාව දැනුවත්ව, එකාවන්ව නැඟී සිටියොත්, බටහිරට ද කළ හැකි දෙයක් නැත. මේ ගැන අපට විශ්වාසය්. නමුත් ශ්‍රී ලංකාවේ ජනතාව එක් කිරීම “ලාහට ගෙම්බෝ එක්කරනවට” වඩා අපහසු දෙයකි. පළමුව, මේ ගැන ගැඹුරින් කතා කරන්නට පෙර, ශ්‍රී ලංකාවේ ත්‍රස්තවාදය මැඩලූ රජය සහ ත්‍රිවිධ හමුදාව, අපරාධ කරුවෝ වශයෙන් ශ්‍රී ලාංකිකයනට ඒත්තු ගන්වා ඇත. එය තව දුරටත් ක්‍රියාත්මක වෙමින් පවතී. අද බටහිර බලය මගින් ශ්‍රී ලාංකිකයින් ළවාම ඒ හමුදා නිලධාරීන් ට දඬුවම් ලබා දීමට තරම් ද්‍රවිඩ ත්‍රස්තයෝ සහ ඔවුන්ගේ මග යන්නෝ ක්‍රියා කරමින් සිටිති. ශ්‍රී ලාංකිකයෝ සැප (මර) නින්දේ සිටිති.

තව කොටසක් මි ළඟ අංකයෙන්.